5 love languages in Hindi – How to impress girls in Hindi

The 5 LOVE languages

5 love languages in Hindi - How to impress girls in Hindi

Ek aadmi tha jo bohot ameer tha, uske pass sab kuch tha lakin phir bhi wo kabhi khush nahi dikhta tha. Ye dekh kar ek din uske friend ne use puch liya, ki tuhmare pass to sab kuch hai phir bhi tum hamesha sad or tension me kyu dikhte ho? Tab us aadmi ne kaha, ye luxury car, banglo or monay hona kya faide ka. Jab meri wife or meri family he mujhse pyaar nahi karti!

Insaan ki jo 2 sabse dominating emotions hai wo hai LOVE and FEAR. Or mera personally manna hai ki love ki feeling fear se zyada powerful hoti hai. Pyar ek kamzor insaan ko itna powerful bana sakta hai ki woe k pahad tod ke us mese rasta bana de. Or dusri taraf ek strong or healthy ameer insaan ko itna kamzor bana de ki wo khud ke haath se khud ka khaana bhi na kha paye. Mei dusri feelings ka to nahi bol sakti par har insaan ki life me pyar ki bohot zyada zarurat hoti hai. Bhale he fir aapke pas sab kuch ho par agar aapke pas pyar karne wala he nahi hoga to aapko duniya ek dam bekar lagegi.

Bhale he hum ye baat bole ya na bole par hum sab ye chahte hai ki at least hame hamari life ke kuch khas logo se bohot sara pyar mile. Jaise apne parents ya bacho ka pyar, apne life partner ka pyar or end me dosto ka pyar.

Har insaan ke andar ek emotional LOVE TANK hota hai jo or kisi kisi se nahi balki kuch khas logo ke pyar se bharta hai. Jab tak unhe wo pyar dikhta or milta rehta hai tab tak wo emotionally or mentally stable rehte hai. In short khush rehta hai par jab wo pyar milna band ho jaata hai to wo love tank khali hota jata hai. Tab insaan mentally or emotionally unstable ho jata hai, use kuch bhi acha nahi lagta. Wo frustrate ho jata hai or at the end jab wo love tank puri tarha khali ho jaata hai tab relationships me sari badi problems aana start ho jaata hai. Ladai, sadness or baki sari buri cheze jo at the worst case dhere dhere pyar ko khatam kar deti hai or relationship ko bhi.

Hum sab ko zaruri hai ki hamara emotional love tank thoda to bhara rahe. Par sadly aajkl zyada tar logo ko wo pyar mil nahi pata jo wo zyada tar expect karte hai. Ab iska reason ye nahi hai ki wok has log humse pyar nahi karte, balki sabse bada reason ye hai ki zyada tar logo ki love language humse alag hoti hai. Jo hume samajh nahi aati or isiliye hume unka pyaar kabhi feel nahi hota.

Example;-

Hum sab ki ek primary language hoti hai jise hum apni mother tongue bhi bolte hai. Jo hume sabse ache se samajh aati hai or humse boli jaati hai. Ho sakta hai hame koi or secondary language bhi aati ho jaise English, Marathi ya Sanskrit etc. but still hume sabse zyada ache se samajh hamari mother tongue he aaati hai. Theek isi tarha hum sab ki pyar ki bhi alag alag bhasha hoti hai jo hume sabse zyada ache se samajh aati hai. Or yahi love language hamare emotional tank ko sabse ache se full kar sakti hai.

Duniya me total 5 love languages hai, to agar aap chahte hai ki aapka apni family or partner ke sath relation kabhi khrab na ho. Or bas acha relation hota chala jaye to aapko in 5 love languages ke bare me pata hona chahiye. Aapko pata hona chaiye ki in 5 languages me se wo konsi unki primary language hai jo unhe sabse acha feel karati hai. Ye pata karne ke baad aapko unki language me he apna pyar express karna chahiye. Jisse unka wo emotional tank bhi hamesha full rahega, so let’s begin with the 5 love languages one by one;

LOVE LANGUAGE #1: WORDS OF AFFIRMATION

Ek husband or wife me bohot jhagde hote the. Husband apne hisab se wife ko khush karne ke liye bohot kuch karta tha. Mehnat se kaam karke wife ko paise la ked eta, kabhi kabhi ghar ke thode kam karke apni wife ki help bhi kar deta tha. Jiske liye uski wife hmesha uski respect karti thi lekin uske bad bhi wife ko kabhi ye feel nahi ho pata tha ki uska husband use pyar karta hai. Is baat se husband ko bohot chid hoti thi, lekin yaha wife ki koi galti nahi thi. Ye baat sach thi ki husband sab kuch karta tha lekin problem ye thi ki wo kabhi apni wife ko ye nahi bolta tha ki wo use kitna pyar karta hai. Kyu pyar karta hai? Wo uski kabhi tarif nahi karta tha, use lagta tha ye sab bolna or batana bas movies me acha lagta hai.

Or real life mei in sab chezo ki zarurat nahi hoti, main pyar to apni family ki need ko pura karna hota hai. Jo ki wo hamesha karta tha! Ab ye baat itni he stupid hai jitni kisi malyalam bolne wale insaan ko hindi mei koi baat samjhane ki koshish karna. Or phir is baat se gussa bhi hona ki aapke itna acha hindi bolne ke baad bhi use koi baat samajh kyu nahi aayi! Similarly sach to ye tha ki uski wife ko pyar feel karne ke liye or samajhne ke liye show karna he sabse important thi. Uski wife ki primary language thi words of affirmation par uska husband ek dusri language me he use apna pyar express kar raha tha.

Tips:-

5 love languages in Hindi - How to impress girls in Hindi
5 love languages

Words of affirmation matlab aisi cheze bolna jo aapke partner ko build kare, use acha feel karaye. Example, I love you bolna, kyu aap unhe itna pyar karte ho ye batana or hamesha batate rehna. Bol ke likh ke ya kaise bhi. Unhe encourage karne wali baate bolna, unhe complimenta dena, unhe hamesha har choti badi baato ke liye appreciate karna. Jin logo ki ye primary love language hoti hai unhe aap jab bhi words of affirmation bologe to unhe bohot he acha lagega or aapka pyar bhi feel hoga. Or jab tak aap unhe ye simple si baate nahi bolte tab tak unhe aapka pyar feel nahi ho payega. Or na he unka love tank bharega.

LOVE LANGUAGE #2: QUALITY TIME

5 love languages in Hindi - How to impress girls in Hindi
5 love languages

Jin logo ki primary love language quality time hoti hai unhe agr aap ye bologe ki “You look beautiful” ya bataoge How much you love them. Tab unhe acha to lagega par bas isse unko aapka real pyar feel nahi hoga. Balki unhe ye pyar feel hoga jab aap unke sath quality time spend karoge. Or quality time spend karne se mera matlab ye nahi hai ki ek he ghar me sath reh ke kaise bhi time spend kar dena. T.v dekhte dekhte baate karna ya mobile me lage rehkar unki baate sunna, ye sab nahi. Balki quality time matlab apni puri undivided attention bas unko dena.

Tips:-

Unke sath us moment me present hona, baate karna or sab wo cheze karna jo unhe pasand ho. Jaise may be sath me cooking ya painting karna, beach pe bethe rehke baate karna etc. Jab aap unke sath quality time bitaoge tabhi unhe wo love feel hoga or tabhi wo khush reh payege. Or aapka relation or bhi zyada strong ho jayega, jisme aap dono hmesha khush rahege.

LOVE LANGUAGE #3: RECEIVING GIFTS

Gifts milna kisko pasand nahi hai? Or jin logo ki primary love language ye hoti hai wo aapse expect bhi karte hai ki aap kabhi kabhi to at least unhe gifts do. Gifts actual me bohot special hote hai, kyuki wo samne wale ko ye feel karate hai ki aap unke bare me sochte ho. Or gift kharidte time bhi aap unke bare me he soch rahe the, phir jab bhi kabhi wo ye gift dekhege to unhe ye yaad aayega ki aapne unhe yaad kiya tha. Jo ki bohot achi feeling hoti hai unke liye.

5 love languages in Hindi - How to impress girls in Hindi
5 love languages

Ab agar aap ye soch rahe ho ki me kaha ache gifts hu! Meri to financial condition he kharab hai! Aisa hai wesa hai, to pehli baat aapko kisi ne nahi kaha gifts mehnge hona zaruri hai. Actual me logo ko love feel karan aapki soch se kafi sasta hota hai. Kuch chocolates, ek rose a ek simple sa card. Aisa koi bhi chota mota gift aapke partner ka ya apke family member ka pura din beautiful bana sakta hai.

Tips:-

Ab agar aap financially ache hai to definitely aapko ache gifts dene chahiye. But at the end ye yaad rakho ki aapke gifts ki value paiso se measure nahi hongi.  Balki uske piche ki feelings wo main reason honga jo logo ko bohot khush karega.Mene bohot baar dekha hai ki kuch saste se gifts logo ke dil ke bohot pas hote hai jise wo zindagi bhar kisi mehnge gift se zyada sambhal ke rakhte hai. Or bohot bar to gifts ka materialistic hona bhi zaruri nahi hai. Kabhi kabhi aapka time or aapke efforts bhi unke liye gifts se kam nahi hote. So ek habit bana lo or apne un khas logo ko specially jinki love language ye hai. Unhe to at least chote mote gifts dete raho, ye aapke relations bohot strong kar dege.

LOVE LANGUAGE#4: ACTS OF SERVICE

5 love languages in Hindi - How to impress girls in Hindi
5 love languages

Pehli love language me mene aapko jo story batayi usme husband apni wife ko jis pyar ki language me apna pyar batana chah raha thaw o thi Acts of service. Jinki primary language ye hoti hai wo bas in baato se khush nahi rahege ki aap unke liye gifts late ho ya unhe compliments dete ho. Balki unhe aapka real pyar tab feel hoga jab aap kuch kam karke unhe acha feel karaoge.

Tips:-

Unke kamo me unki help karoge, ghar ki responsibility ache se nibhaoge. Or zarurat padne par responsibilities ko ek dusre ke sath share bhi karoge. Kam jaise ki khana banana, ghar ko saf rakhna, paise kama kar dena, ghar ki zarurato ko pura karna. Bacho ki needs puri karna etc.

LOVE LANGUAGE #5: PHYSICAL TOUCH

Aajkl hamari thinking itni kharab ho gyi hai ki physical touch sunte he aapke dimag me kuch ganda he aaya hoga. Isliye pehle he clear kar du ki sexual hona he physical touch nahi hota. Balki actual me ye bohot pure language hai apne pyar ko show karne ke liye.

For example, ek Maa ko jab apne bacho pe pyar aata hai tab wo unhe kiss ya hug karti hai, jo ki physical touch hai. Jab hum bura feel kar rahe hote hai ya kuch bada hota hai hamare sath. Tab hum hum emotional hoke apne friends ya loved one ko gale laga lete hai. Because tab hume pyar ki zarurat hoti hai or physical touch ek bohot strong tarika hai pyar feel karne ka.

Tips:-

5 love languages in Hindi - How to impress girls in Hindi
5 love languages

Isi tarha jin logo ki primary love language ye hoti hai wo chahte hai ki aap unhe hug karo, cuddle karo. Nothing needs to be sexual bas sath me pass beth ke T.v dekhna, hath pakad ke chalna bas yahi sab cheze unhe aapka pyar show karegi.

Kuch bache jinki love language ye hoti hai unhe marne se pehle sochna chahiye. Kyuki marna bhi ek physical touch hai lekin negative way me. Jo unhe bohot zyada mentally disturb kar sakti hai. Ye yaad rakhe ki agar aap kisi ko unki love language mei kuch negative karoge. To unse zyada bura bhi or kisi ko nahi lagega. Example, agar kisi ki love language Words of affirmation hai or aap unhe kuch bura bologe ya appreciate nahi karoge. To unhe sabse zyada bura lagega.

TO CONCLUDE – 5 love languages

Aap pata kare ki in 5 love languages me se aapki khud or aapke loved ones ki language konsi hai. Or phir usi language me unhe pyar feel karao, taki unka emotional love tank bhar sake. Aap kabhi kabhi in sabhi 5 love languages ka use kar sakte hai. Lekin sabse zyada primary love language ka use karna chahiye kyuki wohi sabse zyada impact create karega or aapke relation ko acha rakhega.

Also try:- Benefits & Reasons For Exercise During Pregnancy 2017

Komal Attri

Hello Viewers, this is Komal Attri. I am an Entrepreneur and an internet marketer, In this website you will get many beauty, PD, health tips and much more.
Thank You for Visiting!

4 Comments

Leave a Reply

Your email address will not be published. Required fields are marked *