Kisi se baat kaise kare?|HOW TO TALK TO ANYONE?|Communication skills

Hey dosto

Mujhe yaad hai jab me 12th me thi to meri class me ek ladki thi jisse mujhe kaafi jealous feel hota tha. Wo class ka topper nahi tha, dikhne me bohot smart nahi tha or ameer bhi nahi tha. But phir bhi puri class use pasand karti thi, yaha tak ke teachers, peon or principal bhi. Iska reason ye tha ki use logo se baat karni aati thi. Wo bohot ache se logo se kabhi bhi or kitna bhi baat kar leti thi, bina hesitation ke. Tab use dekh kar me apne aap ko bolta tha ki ye koi badi chez to hai nahi, or mujhe kuch aisa karna bhi nahi hai. Kyuki mujhe zarurat nahi hai kisi ko impress karne ki ya aisa kuch.

Jabki reality to ye thi mujhe apne friends ke alawa kisi or se baat karne me bohot awkward lagta tha. Me ye sab bahane marke bas apne aap ko excuse deta tha jo ki galat tha. Kyuki logo se baat karna, communicate karna hamari life ka ek bohot he bada hissa hai. Or ye ek aisi skill hai jo hum sabko ache se aani he chahiye. Par sadly humara education system is skill ko badhane ke liye zyada help nahi karta. Or hum khud bhi due to internet or social sites is chez pe dhyaan dene ko ek dam bhulte he jaa rhe hai. Lekin reality ye hai ki humari professional or personal life me success paane ke liye ye skill bohot zada impact kregi.

Kisi se baat kaise kare?|HOW TO TALK TO ANYONE?|Communication skills

Baato me bohot power hota hai or usse hum kuch bhi achieve kar sakte hai. Aap baat karke badi badi deals crack kar sakte ho, logo ko inspire  kar sakte ho, apne relationships ko acha kar sakte ho or kisi ka bhi dil jeet sakte ho.

IN SIMPLE TRICKS SE AAP APNI COMMUNICATION SKILLS KO IMPROVE KAR PAAOGE :-

  1. THE FLOODING SMILE

Aap jab bhi kisi se baat karte ho ya jab aap baat nahi bhi karte fir bhi aap apne face pe ek  smile rakho. Ye chez aapki attractiveness or confidence dadha degi or dusri taraf aapka blood pressure or stress bhi kam karegi. Jis se aapki health bhi achi rahegi. Baat karte time face par halki si smile rakhna saamne wale ko safe or acha feel karati hai.

Tips:– Flooding smile matlab ye nahi hota ki aap kisi ko dekhte he foran smile kardo. Balki kisi ko milne ke baad aapko pehle unke face pe dekhna chahiye or phir 1-2 second ruk kar ek slow smile karni chahiye. Because logo ko ye smile, fast smile se zyada genuine lagegi.

  1. THE STICKY EYES

Social experts kehte hai ki ek bohot he common mistake ko bohot se log karte hai. Wo ye hai ki wo jab kisi se baat karte hai to samne wale insaan ko dekhne ki bajaye edhar udhar zyada dekhte hai. Ab unke edhar udhar dekhne ka reason kuch bhi ho lekin ye chez samne waale ko ye signal deti hai ki aap unki baato me interested nahi ho. Or obviously ye baat kisi ko pasand nahi hoti. So, agar aapko samne wale ke sath ek relation banana hai ya ek achi conversation karni hai to kabhi bhi ye silly mistakes mat karo. Best ye hai ki aap baat kerte time logo ki aankho me dekho. Or eye contact banao.

Tips:- Smile karna or eye contact banana ye sb best hai agar saamne wale aap me. Or aapse baat karne me interested hai to. Warna aisa karna saamne wale ko creepy or ajeeb bhi feel kara sakta hai. Isiliye thoda soch samajh ke ye dono cheze use karna.

  1. MATCH THE MOOD

Aapke sath kabhi aisa hua hai ki aapka mood ek dam khraab ho, aap sad ho or usi time koi insaan aake full excitement me ek dam zor zor se baat karne lage. Usually aapko bhi excitement achi lagti ho, lekin bas us time pe aapko us insaan se thodi chid hone lege. Ya fir kabhi iska ulta hua ho. Jab aap ek dam excited ho or koi aake aapse ek dam sad baate kare. Mostly jab logo ke sath aisa hota hai to unhe un alag mood wale logo se dur jaane ka dil karta hai. Specially agar us insaan ke sath unka close relation na ho. Matlab koi naya insaan ho ya jisse wo zyada baat na karte ho, aisa insaan.

Ab ye hota hai because of MOOD MISMATCH. Isiliye jab aap kisi se baat karna start karo to aap pehle is baat pe dhyaan do ki samne wale ka mood kaisa hai? Agar wo sad ya low mood me hai to aap directly ek dam zyada excitement me unse baat mat karo. Balki start me thoda aaram se baat kro or fir dheere dheere apne mood or excitement level ko badhao. Ye chez samne wale ka mood bhi acha kar sakti hai.

  1. NEVER THE NAKED JOB, CITY AND INTRODUCTION

Bohot se log jab pehli baar kisi se milte hai ya first time kisi se baat karte hai to unki baate kuch aise hoti hai ki wo to teen lines me khatam ho jaati hai. Uske baad logo ko samajh nahi aata ki wo kya baat kre or wo bas chahte hai ki wo kaise bhi is situation se bahar nikle.

Agar aap chahte hai ki aisa na ho kabhi or aapki ache se baat ho logo se. To please kabhi bhi ek line me kisi bhi chez ka jawab mat do. Jo sabse common questions hote hai ki, aak kaha rehte ho? Aap kya karte ho? In questions ke liye thode bade or interesting jawab socho.

Tips:– Agar aap chahte ho ki aapki ache se baat ho samne wale se to kabhi bhi ek line ka answer mat do.

  1. PARROTING

Parrot ek bohot he beautiful word hai jo humara dil jeet leta hai or wo bhi bus hamare kahe gaye kuch words ko repeat kar ke. Kisi se baat karte time agar aapko aage kya bolna hai ye nahi samajh aa raha. Or aap chahte ho ki aapki baat or aage badhti rahe to aap ye technique use kar sakte hai. Isme aapko or kuch nai bas saamne wale insaan ke bole gaye last ke kuch words ko repeat karna hoga. Or aapki baat aage aaram se hoti rahegi.

For example:- Aapne apne ek friend se baat ki jo haal he mei ek show attend kar ke aa raha hai.

You– Hi, kaha se aa rahe ho?

Friend– Hi, me ek show me gaya tha?

You– Show?

Friend– Han, bohot maza aaya. Waha bade bade singers aaye hue the!

You– Bade bade singers?

Friend– Han yaar Shaan aaya tha, K.K aaya tha.

You– K.K?

Friend– Yes, kya gaana gaaya usne.

Aise he parroting karke aap bohot time tak kisi se bhi baat kar sakte hai or isse saamne wale ko bhi aapse baat karne me maza aata hai. Or bhi aapke bina kuch khaas bole.

Tips:- Bohot se logo ko conversation continue rakhne ke liye bas ek reply ki zarurat hoti hai. Or bohot baar reply ka kuch original ya khud ka soch ke bolna bhi zaruri nahi hota.

In tricks and tips se for sure aapki communication skills behtar ho jayegi!!

 

Also try!!!

http://www.artatcart.com/home/techniques-instant-confidence-hindi/

Komal Attri

Hello Viewers, this is Komal Attri. I am an Entrepreneur and an internet marketer, In this website you will get many beauty, PD, health tips and much more.
Thank You for Visiting!

Leave a Reply

Your email address will not be published. Required fields are marked *