1 MINUTE SECRET TO WIN ANYONE (HINDI) – LEADERSHIP SKILLS

Hey dosto

Ek smart young aadmi tha jisne decide kar liya tha ki wo manager or leader ban kar he rahega. Phir chahe kuch bhi ho jaye. Kyuki use ye baat samajh me aa gayi thi ki life me khushi se aage badhne se pehle management or leadership skills hona bohot zaruri hai.  Because agar hume kuch bhi bada karna hai to hume dusro ki help to chahiye he hogi. Kabhi na kabhi logo se deal karna he hoga or agar in skills me piche reh gye to hamare aage badhne ke chance bhi kam ho jayege.  Ab aise he bohot se important reasons ki vajah se wo ek asie perfect manager ko search karne nikal gaye jo unhe ye crucial skills seekhne me unki madad kare. Jiske ke liye shayad wo kaam bhi kar sake or fir eventually khud bhi jiski tarha ban sake.

So for this wo literally ek company se dusri company me ghuste lage. Badi se badi, choti se choti har company ke manager se wo milne lage or un sab ke interviews lene lage. Wo alag alag cities gaye, yaha tak ki alag alag countries bhi gaye un perfect manager ki talaash me. Lekin unfortunately unh eek bhi aisa manager nahi mila jo sach me ek dam effective tha. Or jo unke hesaab se perfect tha . jitne bhi logo se wo mile or jinke interviews liye wo saare managers bas 2 types me se he ek nikalte the.

  1. AUTOCRATIC MANAGER

Aise managers jiska aim hota hai company ko ultimately company ko profit dilana. Jisme wo bohot ache bhi hote the. Par aise type ke managers ko zyada tar kaam karne wale employees pasand nahi karte the.

  1. DEMOCRATIC MANAGER

Aise managers jo company ke logo ke baare me pehle sochte hai, company ke baare me baadme. Ye manager supportive hote hai jinhe zyada tar kaam karne wale employees pasand karte hai.

Ab ye dono type ke manager theek to hote hai par dono me kuch badi problems bhi hai.

Autocratic manager company ko results to zarur dilate hai par results dilane ke chakar me wo kabhi apne team members or company ke employees ko kabhi khush nahi rakh paate. Jabki dusri taraf democratic managers apne employees ko khush to zarur rakh paate hai. Lekin apni company ko jo results chahiye, desired profit chahiye wo nahi dila paate.

Or ye dono he major issues the jo us aadmi ko pareshaan kar rahe the. Unhe aisa koi effective manager or achi leadership skills wala manager mil he nahi paa raha tha jo sach me perfect tha dono side se. Thode bohot kjo unhe sahi managers mile bhi the wo unhe interview den eke liye ready nahi the.  So isiliye phir wo aadmi preshaan ho kar, thak haar kar wapas apne ghar aa gye. Ghar aake wo sochne lage ki shayad unhe aisa koi effective manager mil he nahi payega. Jo unhe perfect management or leadership  skills sikha sakega.

Par tabhi ironically unhe kisi se apne pass ke he town ke ek manager ke baare me pata chala. Jinki har koi  bohot tareef karte tha, har koi is manager ke sath kaam karna chahta tha.  Or itna he nahi ye ek aisa manager tha jo apni company ko bohot profit bhi dila raha tha apni leadership skills se.

1 MINUTE SECRET TO WIN ANYONE (HINDI) - LEADERSHIP SKILLS

Ab us aadmi ne jab  pehli baar ye sab baate suni to unhe ye jhuth laga. Par phir bhi unhone us manager se milne ka decide kiya. Jab wo call kar ke is manager ka appointment lene gye to unh eek dam easily mil gaya. Jispe wo aadmi sochne laga ki, are kahe ka perfect manager! Itna acha hota to usko mujhse milne ka time bhi nahi hota. Par phir bhi kyuki wo manager unse nazdeek he rehte the to wo unse milne chle he gye.  Ab finally jab wo aadmi us manager se mile to hmesha ki tarha unhone  unsse bhi wahi same question pucha. Unhone pucha ki, Aapko kya lagta hai ki aap kis type ke manager ho? Ya, aap apne aap ko as a manager kis tarha describe karoge?

To is par un manager ne reply kiya ki me ek one minute manager hu.

Wo aadmi ye sun kar thoda surprise ho gye kyuki  abhi tak unhone jitne bhi managers se ye question pucha tha unsab ka answer thoda bohot alag to hota he tha lekin phir bhi in dono mese se kisi ek type me he aata tha. Ya to wo autocratic manager hote the ya phir democratic manager, par is manager ke sath baat kuch or thi. So surprise hote hue wo puchte hai, one minute manager? Me samjha nahi. To  manager haste hue use bolte hai , me apne aap se ye bolta hu kyuki mujhe bohot kam time lagta hai logo se zyada results nikalne me.

Ye sun ke us aadmi ko zara bhi yakeen nahi hua, jo chez us manager ko foran dikh bhi gayi. Isiliye phir wo us aadmi ko bolte hai dekho agar tumhe sach me jaan na hai ki me kaisa manager hu to tum mere team ke member se baat kro. Wo tumhe ek dam ache se bata denge, is list me kuch logo ke naam hai jinse tum abhi jaa ke baat kar sakte ho. Wo aadmi us list ko leta hai jisme 6 logo ke naam hote hai, jisme se wo decide karta hai ki wo 3 logo se o at least baat krege he. Or ye soch kar wo us manager ke office se nikal jaate hai.

Sabse pehle wo jaate hai Mr. Trenell naam ke aadmi ke office me jinse baat karke unhe pata lagta hai ki sach me one minute manager ka concept sach hai. Or agar unhe bhi ek aisa effective manager banna hai to unhe 3 one minute secrets ko follow karna hoga. Teem me se pehle secret ke baare me Tranell unhe khud he seekhate hai.

SECRET NO. 1 :- ONE MINUTE GOAL SETTING

1 MINUTE SECRET TO WIN ANYONE (HINDI) - LEADERSHIP SKILLS

Is secret ko apply karne ke liye unhe ye following cheze karni hogi:-

  1. Company or employees ke har goal ko clear karna hoga, kyuki kayi baar aisa hota hai ki company ke goals kuch or hote hai or employees ke kuch or. Jiski vajah se phir kuch bhi ache se nahi ho pata. Isiliye sabko pehle common goals pe agree hona chahiye.
  2. Sabko pata hona chahiye ki ideally unhe kaam kaise karna chahiye. Unka behaviour kaisa hona chahiye or kaisa unka kaam dikhna chahiye.
  3. Apne har goal ko sabko 1 paper pe likhna chahiye or wo bhi 250 words ke andar.
  4. Ab in goals ko baar baar padhte rehna chahiye or ye karne ke liye hamko 1 minute se zyada nahi lagega kyuki ye 250 words ke andar hai.
  5. Kuch time ke gap me hume dekhna chahiye ek minute time nikal ke ki hum apne goals pe barabar kaam kar rhe hai ki nahi. Or kya hmara behaviour ideal behaviour se match kar raha hai ya nahi.

Bas ye hai 1 minute goal seeting ke points jise aapko follow karne chahiye.

Us aadmi wo baate kafi simple or attractive lagti hai to wo Tranell se puchte hai. Ki ye to bas pehla secret tha na, baki dono kaha hai! Tab Tranell smile karte hue apni watch ki taraf dekhte hai or bolte hai. Tumhe ab second secret jaan ne ke liye Miss Levy ke pass jana chahiye. Waise bhi tumhe at lease 3 logo se to milna he hai, right! So kyu na tum unse jaa ke pucho, ispe wo aadmi smile karta hai or fir puri energy ke sath Levy ke office jane lagta hai.

Ab Levy se milne ke baad again unhe ye baat confirm hoti hai ki han, one minute management ki baat ek dam sach hai or wo khud isse bohot khush hai. So wo aadmi fir Levi o bata hai ki unhe 2 secret ke baare me janna hai. Fir Levy unhe btate hai

SECRET NO. 2 :- ONE MINUTE PRAISING

Ise follow kar ke one minute manager banne ke liye Levy unhe ye saari  cheze karne ko bolte hai:-

  1. Apne members ko pehle se bolke rakho ki aap unhe sacha feedback doge unke kaam ke liye.
  2. Logo ko unke ache kaam ke liye foran unki tareef akro kyuki mostly problem ye hoti hai ki. Log dusro ki buraai ke liye to unke usi time criticise karte hai. Lekin ache kaamo ke liye foran tareef nahi karte, jisse logo ko kaam karne me itna maza nahi aa pata. Or wo ache se kaam bhi nahi karte, so isiliye always praise immediately.
  3. Specifically unhe batao ki unhone kya kaam acha kiya.
  4. Unhe btao ki aapko kitna acha feel hua unke sahi kaam ko dekh kar or wo chez kitni important thi.
  5. Or tab kuch time ke liye chup raho taaki wo bhi aapki feelings ko feel kar sake.
  6. Unhe wo sahi kaam karne ke liye or encourage karo.

Ye saari baate sun ke us  aadmi ne ek excitement ke saath pucha ye to tha 2nd secret or 3rd secret kya hai? Tab Levy ne smile karte hue kaha ye chez to aapko  Mrs. Brown btayegi. I know aapka abhi unse milna abhi baaki hai. Ye sab sunne ke baad unhone Levy ko thanks bola or dugni excitement ke saath wo Mrs. Brown ke office me jaane lage.

Mrs. Brown ek 50 years well dressed women thi jinhone one minute manager bannne ka 3rd secret btana shuru kiya.

SECRET NO. 3 :- REPRIMAND

1 MINUTE SECRET TO WIN ANYONE (HINDI) - LEADERSHIP SKILLS

Reprimand matlab aap bol sakte ho logo ko unki galti batana, gussa karna, koi chez disapprove karna etc. Or is last secret ko do hisso me follow karna chahiye:-

FIRST HALF :

  1. logo ko immediately reprimand karo unki galti ke liye, naa ki galtio ko jama karte jaao or ek din saari galtio ko gina do.
  2. Unhe specifically batao ki unhone kya galti ki hai.
  3. Unhe batao ki aapko kaisa feel hua unki is galti ki vajah se.
  4. Thodi der shant raho taki unhe aapki feelings feel ho or unhe realise ho apni galti.

SECOND HALF :

  1. Ya to unse haath milao ya unhe feel karao ki aap unki side he ho.
  2. Unhe yaad dilao ki aap unki kitni value karte ho.
  3. Unhe reaffirm karo ki aap unko lekar acha he sochte ho or bas jo chez aapko pasand nahi aayi wo thi unki particular performance, bas.
  4. Realise karo ki jab reprimand khatam ho gya hai to bas phir wo khatam ho gya hai.

Yahi thi wo saari cheze jo aapko ek effective one minute manager banne ke liye or leadership skills seekhne ke liye karni chahiye.

Ye saari cheze seekhne ke baad us aadmi ko bohot amazing feel hua . Unhe ye simple yet affective baate itni achi lagi ki unhone wo baate apni diary me likhi or un sabko follow karne lage. Bas phir hona kyat ha finally kuch saalo me wo khud ek bohot effective manager ban gaye in principles ka use kar ke. Manager ko kam time zyada results nikalta tha or jise sab pasand karte the.

Similarly agar aapko bhi acha leader ya manager  banna hai to aap bhi one minute management zarur try karo. isse aapko bohot saari leadership skills bhi aayegi.

 

Komal Attri

Hello Viewers, this is Komal Attri. I am an Entrepreneur and an internet marketer, In this website you will get many beauty, PD, health tips and much more.
Thank You for Visiting!

Leave a Reply

Your email address will not be published. Required fields are marked *