HOW TO WORK LESS BUT ACHIEVE MORE? (IN HINDI) – THE 80-20 PRINCIPLE

Hello friends, hum sab yahi sochte hai kia kaash kuch aisa hota ki hum kum kaam karte or hame zyada results mil jaate!! Aaj hum aapke liye kuch aisa he laye hai jisse aapko “WORK LESS BUT ACHIEVE MORE” kaise karte hai pata chalega. so, here we start:-

WORK LESS BUT ACHIEVE MORE

HOW TO WORK LESS BUT ACHIEVE MORE? (IN HINDI) - THE 80-20 PRINCIPLE

Vilfredo Pareto ek Italian economist the jo 1897 me England ke wealth distribution or income ke baare me padh rahe the. Ye padhte hue unh eek ajeeb baat pata chali ke England ki zyada tar zameen bas thode se he logo ke haatho me thi. In fact bas 20% log England ke 80% zameen or paiso ke maalik the.  Ye surprising baat pata chalne ke baad unhone or research ki to pata chala ki ye principle na ki bas dusre desho or dusre time me bhi sach thi. Balki ye baat paiso ko chor ke dusri cheezo ke liye bhi sach thi. Jese ki, unke khud ke garden me 80% peas bas 20% peapod se nikal rahi thi. Or tab ye principle bana jise aaj hum 80-20 principle ya pareto principle bhi kehte hai.

Jo ki scientifically har chez me imply hota hai jaise ki business, studies, relationships, health etc. Ye principle kehta hai ki aapke 80% results  jo aapko milte hai wo bas 20% kaam ki vajah se aate hai. Ye fact hamari normal soch se bilkul ulta hai. Matlab hame lagta hai ki hum jitney actions lege hame utne he results milege. But sach to ye hai ki hmare thode se he actions hame zada tar sahi results dete hai. Ye principle aane ke baad bohot se logo ne alag alag chezo pe research kiya or almost har chez me is principle ko kaam karta paaya.

20% of criminal 80% of crime ko anjaam dete hai.

 80% accidents hote hai 20% drivers ki vajah se.

20% zameen 80% food & minerals deti hai.

80% books jo bikti hai wo bas 20% logo ki hoti hai.

Ab numbers thode aage piche ho sakte hai lekin principles har jagha yahi bolta hai ki kum cheze zada output deti hai.

How 80-20 principle can be applied?

HOW TO WORK LESS BUT ACHIEVE MORE? (IN HINDI) - THE 80-20 PRINCIPLE

80-20 principle hame ye nahi seekhata ki hame kaam nahi karna chahiye, balki ye hame seekhata hai ki.  Hume wo kaam nahi karna chahiye, ya wo kaam karna bandd kar dena chahie jo kaam hume bohot kum results de raha hai.  Or wo kaam zada karna chahiye jo hume zada results de raha hai.

80-20 FOR BUSINESS

Business ke liye baat kare to, ye law hmesha zada business ke liye use kiya jaata tha. But fir baad me ye principle sab chezo ke liye use hone laga. Startups me zyada tar log ye galti karte hai wo apna time, energy or money un chezo ke liye zyada use karte hai jinme starting me zada karne ki zarurat nahi hoti. Jaise ki company ka logo kaisa hona chahiye, websiteka look kesi hona chahiye  etc.  Ye sab cheze zaruri hai pas bas in chezo se attract ho kar log aapka product ya service use nahi karege. Or na hi in chezo se aapko results milege, balki starting me aapka main aim hona chahiye apne product ya service ko ache se or acha banana.

Taki wo logo ki life or easy ya achi kar sake, or ye karne ke baad apko marketing or dusri cheze karni chahiye. Or wo bhi bas un 20% platform or chezo pe dhyan rakhte hue, jaha se aapko maximum rresponse mil raha hai.

Kuch or baate jo aapko yaad rakhni chahiye ki:

Aapke 20% client aapke 80% profit ka hissa honge.

20% of client 80% complain karne wale honge.

So in 20% logo pe aapko acha focus karna chahiye, or at the end. Sab kuch acha karne se zyada aapko us 20% kaamo pe zyada focus karna hai jo aapko 80% results de raha ho.

80-20 FOR SOCIAL LIFE AND HAPPINESS

Pehle mujhe lagta tha ki mere jitney zada dost rahege mere liye utna he acha hoga. Or isilie me sabse dosti karta tha or sabke sath time spend karta ki koshish tha. Bohot baar unlogo ke sath bhi jinke sath mujhe koi khaas maza nahi aata tha. But ye karte hue mujhe realise hua ki aisa kerte hue mein apna bohot sa time waste kar raha hu. Or because of this me bohot dusri cheze nahi kar pa raha jo mujhe karni chahiye thi.

Actually hmara dimag aisa programmed hai ki hame lagta hai ki “Zyada matlab Behtar”, Lekin ye sach nahi hai. According to this principle aapki 80% happiness or fulfilment bas aapke 20% dosto ki vajha se aati hai. Isiliye bohot saare theek thak dost banane or un sab ke sath time spend karne se better hai aap bas un 20% logo ya dosto ke sath time spend kro jo aapko sach me acha feel karate hai. Or jinke saath time spend karne me aapko bhi maza aata hai. Ye aapka kaafi time bachayega dusri chezo pe focus karne ke liye.

80-20 PRINCIPLE FOR STUDYING

Mera ek dost tha jo exam time me saara din, or kabhi kabhi puri raatb jaag kar padhai karta tha. Or dusri taraf mera ek or dost tha jo din raat mila ke bus around 4-6 hours padhta tha. Par jab results aate the tab mere dusre dost ke marks pehle dost ke barabar ya use zyada he rehte the. Wo samjhata tha ki wo zyada padhayi nahi karta lekin mra pehle dpst uska yakeen nahi karta tha. Lekin mujhe pata thaw o sach bol raha hai, mera dusra dost pehle dost se zyada smart nahi tha.  Par wo anjaane me he 80-20 principle ka use karta tha do chezo ko lekar jiski vajah se kam padh ke bhi uske results ache aate the.

HOW TO WORK LESS BUT ACHIEVE MORE? (IN HINDI) - THE 80-20 PRINCIPLE

  1. Pehli chez jisme wo 80-20 principle ka use karta tha ki, padhna kya kya hai.

Mera pehle dost end end me sab padhne ki kosish karta tha. Jiski vajha se sab padhne ke baad bhi use ek bhi answer ache se yaad nahi rehta tha. Or paper me wo answers properly bhi nahi likh pata tha.

Jabki dusra dost pichle question papers or teachers se jo sabse important questions rehte the wo pata kar leta tha. Fir unhe he ek dam ache se yaad kar leta tha or uske baad dusre questions pe focus karta tha.

  1. Dusri chez jisme wo 80-20 principle ka use karta thaw o tha, padhai ka time.

Pehla dost din raat bhar padhne ki koshish karta tha. Par kyuki insaan ek saath achanak se kisi ek chez pe zyada time tak focus nahi kar sakta. Isiliye padte time uska focus bhi dusri chezo pe baar baar jata rehta tha. Jisse kayi ghante padhne ke baad bhi uski quality study nahi ho pati thi.

Dusre dost ko pata tha ki wo  subha se raatb honeke beech tak he ache se padh pata tha, or uske baad nahi. To wo usi time pe apne pure focus ke saath ache se  padhta tha, baki saari cheze side kar ke. Wo beech beech me kaafi breaks bhi leta tha. Jab use lagne lagta tha ki uska focus khatam ho raha hai. Or fir kuch or cheze kar ke jese ghar ke bahar ek walk leke, ya kuch or karke jisse use fresh feel ho. Wo karke wo wapas padhna shuru karta tha.

Yahi kuch chezo ki vajha se uska result kam padh ke bhi dusre dost se ache aate the.

CONCLUSION

Aapka kaam ye hai ki aap wo 20% search karo apne har kaam me. Or fir use ek dam ache se karo. Ye karne se aapko aadhe time me double resulte milne lagege apne har kaam me. Oe aadha time free bhi milega jise aap apne important chezo ke lie use kar sakte ho. Or khush reh sakte ho!

 

Komal Attri

Hello Viewers, this is Komal Attri. I am an Entrepreneur and an internet marketer, In this website you will get many beauty, PD, health tips and much more.
Thank You for Visiting!

Leave a Reply

Your email address will not be published. Required fields are marked *